GARRANTZITSUA: CD-ROM unitaterako atzipen-eskubide egokiak eduki behar dituzu aplikazio honek behar bezala funtziona dezan. Sistema batzuek automatikoki emango dizkizute behar dituzun eskubideak kontsolan saioa hastean. Hori egiten duen mekanismoari pam_console deitzen zaio. Zure sistemak CDROMerako behar dituzun eskubideak ematen ez badizkizu, eman egin beharko zaizkizu. Root-aren pasahitza baduzu, idatzi jarraian agertzen dena terminaleko leihoan.
$ su $ Pasahitza: [idatzi root-aren pasahitza] $ chmod a+r /dev/cdrom $ irtenZure CD-ROMa /dev/cdrom fitxategia ez den beste batean baldin badago, ziurtatu goiko komandoetan aldatu duzula.
GNOMEren CD erreproduzigailuak beste edozein CD erreproduzigailu bezala funtzionatzen du, botoi arruntekin, esaterako Erreproduzitu, Gelditu, Pausarazi, etab., eta horrez gain pista-hautatzailea botoia dauka. Honek pisten izenburuak bistaratzen ditu goitibeherako menuan. Pistaren zenbakia leihoan sakatuz, begizta-eginbideak alda ditzakezu. Hiru ezarpen daude, normala, begizta-CDa, eta begizta-t (hau begiztaren pista da). Pistaren denbora sakatuz, pista/diskoaren igarotako/geratzen den denbora aldatuko duzu.
Hainbat propietate alda ditzakezu Hobespenak botoia sakatuz. Botoi hori sakatzean, GNOMEren CD erreproduzigailuko Hobespenak elkarrizketa-koadroa agertuko zaizu.GNOMEren CD erreproduzigailuko Hobespenak elkarrizketa-koadroan hiru fitxa daude: Hobespenak, Laster-teklak eta CDDB ezarpenak.
Hobespenak fitxa Elkarrizketa-koadro honetan ondorengoa zehatz dezakezu:
Zer nahiko zenuke GNOMEren CD erreproduzigailuak egitea aplikazioa lehenengo aldiz hastean eta bertatik irtetean.
CD-ROMaren kokalekua zure sisteman. Kokaleku hori normalean /dev/cdrom da.
Pista eta CDaren titulua bistaratzeko kolorea.
Pista eta CDaren titulua bistaratzeko letra-tipoa.
Titulu-leihoan maneiatzaileak eduki nahi dituzun ala ez, horrela titulu-leihoa CD erreproduzigailutik kendu ahal izango duzu, mahaigainean ibil dadin.
Sagua botoien gainean dagoenean, argibideak gehituta dauden ala ez.
Erabili ordezko metodo bat CDa erreproduzitzeko [Oharra: ez nago ziur horrek zer esan nahi duen]
Laster-tekla fitxa Fitxa honetan GNOMEren CD erreproduzigailuarekin loturik dauden laster-teklak alda ditzakezu. Laster-tekla horien bidez, erreproduzigailua sagurik gabe erabil dezakezu. Loturetako bat aldatu nahi baduzu, hautatu saguaz eta idatzi tekla berria Egin klik hemen aldatzeko testu-koadroan. Aldaketak gordetzeko sakatu Aplikatu.
CDDB ezarpenak fitxa CDDBk CDaren datu-basea esan nahi du eta CDari buruzko informazioa duen datu-base orokor izugarria da. CD bakoitzak CD erreproduzigailuak irakur dezakeen identitatea dauka. Internetera konektaturik bazaude, CD horren identitatearen CDDB zerbitzaria bilatuko du eta berari buruzko informazioa itzuliko du. Informazio horretan CDaren titulua, artista eta pistaren tituluak daude. Oharrak eta hitzei buruzko informazioa ere egon daiteke. Informazioa berreskuratu ondoren, GNOMEren CD erreproduzigailuak informazio hori disko gogorrean gordeko du etorkizunean erabiltzeko. CDDB ezarpena fitxan CDDB zerbitzaria aldatu eta CDDB datu-base lokala edita dezakezu. CDDBri buruzko informazio gehiago lortzeko, bisitatu FreeDB web gunea edo CDDB web gunea.
GNOMEren CD erreproduzigailuaren beste eginbide bat Pista-editorea da. Pista-editorea abiarazteko, sakatu Pista-editorea botoia GNOMEren CD erreproduzigailuaren leiho nagusian. Pista-editorearen bidez CDaren pistei buruzko informazioa edita dezakezu zuzena ez bada edo zure CDan CDDB sarrerarik ez badago. CDDBko informazioaren egoera ere egiazta dezakezu, pista-editorearen beheko CDDBren egoera botoia sakatuz. Horrela CDDB zerbitzaritik zer mezu itzuli diren, mezurik itzuli bada, erakutsiko dizu. Bidali botoia CDari buruzko informazioa CDDBra bidaltzeko da, CDDB gunean CDari buruzko informaziorik ez baduzu behintzat.