Berri-taldeen zerbitzaria irekitzen duzunean, harpidetuta zauden berri-taldeen
zerrenda ikusiko duzu. Berri-talde bakoitzeko mezu berrien goiburukoak
behera kargatuko ditu zerbitzariak.
Berri-taldeak irakurtzeko:
- Egin klik osagai-barrako 'Berri-taldeak' ikonoan.
- Egin klik bikoitza berri-taldeen zerbitzari batean, bertako berri-taldeak
ikusteko. Berri-talderik ez baldin badago, harpidetu egin beharko duzu talderen batean.
- Egin klik berri-talde batean bere edukia ikusteko.
- Egin klik mezu batean, mezua irakurtzeko. Egin klik plus ikonoan hari bateko mezu guztiak (eztabaida) ikusteko. Mezuak nola dauden konektatuta erakusten du puntuzko lerroak. Edozein goiburukotan egin dezakezu klik bertan dagoen mezua bistaratzeko. Hari berri bat hasi edo mezu bat bidal dezakezu erantzun gisa.
Oharra: 'Berri-taldeak' ikonoan klik egitean zer irekiko den erabaki dezakezu, Messenger edo Mezu-zentroa. Ezarri zure hobespena Leiho-ezarpenen hobespen-panelean.
Oharra: Messenger-en bidez mezuak lineaz kanpo irakur ditzakezu
Berri talde batean edo IMAP zerbitzariko karpetetan harpidetzeko:
- Egin klik osagai-barrako 'Berri-taldeak' ikonoan.
- Fitxategia menuan, aukeratu 'Harpidetu'.
- Behar izanez gero, egin klik 'Zerbitzaria' goitibeherako menuan beste zerbitzari bat aukeratzeko. Egin klik 'Gelditu'n, zerrenda baten bistaratzea gelditzeko, denbora gehiegi hartzen duela ikusten bada. Beste aukera bat da berri-zerbitzari gehiago gehitzea.
- Behar izanez gero, ireki IMAP karpeta bat. Edo hautatu karpeta bat eta egin klik 'Zabaldu'n karpetan dagoen guztia ikusteko. Berri-taldearen izena idatziz ere egin daiteke hautaketa.
- Egin klik berri-talde edo karpeta baten ondoko 'Harpidetu' zutabean. Edo horietako bat edo gehiago hautatu eta egin klik 'Harpidetu'n. Hautamarka bat ikusiko duzu harpidetutako berri-talde edo karpeta bakoitzaren ondoan.
- Elkarren ondoan dauden berri-talde batzuk hautatzeko, egin klik lehenengo berri-taldean eta, ondoren, maiuskula-tekla sakatuz egin klik multzoko azkenekoan. Elkarren ondoan ez dauden berri-talde batzuk hautatzeko, sakatuta eduki Kontrol tekla eta egin klik berri-talde bakoitzean.
- Egin klik 'Ados'en. Zure harpidetza-zerrenda Messenger leihoan azalduko da.
Berri-talde bat bilatzeko:
- Egin klik osagai-barrako 'Berri-taldeak' ikonoan.
- Fitxategia menuan, hautatu 'Harpidetu' eta ondoren egin klik 'Bilatu' fitxan.
- Egin klik 'Zerbitzaria' goitibeherako zerrendan erabilgarri dagoen zerbitzari bat aukeratzeko.
- Idatzi berri-talde baten izenaren edozein parte adierazten duen gako-hitz bat.
- Egin klik 'Bilatu orain'en, izenean gako-hitz hori daukaten berri-taldeen zerrenda ikusteko.
- Berri-talde batean harpidetzeko, egin klik 'Harpidetu'n.
Zerbitzarian gehitzen diren talde berri guztien zerrenda ikusi eta harpidetza egiteko:
- Fitxategia menuan, hautatu 'Harpidetu', eta egin klik 'Berriak' fitxan.
- Behar izanez gero, egin klik 'Zerbitzaria' goitibeherako zerrendan beste zerbitzari bat aukeratzeko.
- Egin klik 'Freskatu zerrenda'n. Talde berririk azaltzen bada, bertan harpidetzeko aukera duzu.
- Egin klik 'Garbitu zerrenda'n, elkarrizketa-koadro hau azkenekoz bistaratu zenuenetik hona eguneratzeko.
Zure harpidetza-zerrendatik berri-talde bat kentzeko (harpidetza kentzeko):
- Egin klik kendu nahi duzun berri-taldean eta sakatu EZABATU.
Zure harpidetza-zerrenda ireki eta harpidetutako berri-talde guztiak eguneratzeko:
- Egin klik osagai-barrako 'Berri-taldeak' ikonoan, eta ondoren egin klik bikoitza berri-taldeen zerrenda zabaltzeko. Harpidetutako berri-taldeak automatikoki eguneratuko dira mezu berriekin.
- Berri-talde jakin bat edozein mementutan eguneratzeko, hautatu berri-taldea eta egin klik 'Hartu mezuak'en.
Berri-taldeen propietateak ikusi edo aldatzeko:
- Hautatu berri-taldea.
- Edizioa menuan, aukeratu 'Berri-taldearen propietateak' (Windows-en) edo 'Hartu informazioa' (Mac OSn).
Erabili 'Berri-taldearen propietateak' elkarrizketa-koadroko 'Orokorra' fitxako elementuak:
- Hautatutako berri-taldearen egoerari buruzko informazioa ikusteko, adibidez mezu guztien edo irakurri gabeko mezuen kopurua.
- Berri-taldeak HTML mezuak onartzen dituen ala ez zehazteko.
Mezuak berehala behera kargatzeko:
- Egin klik 'Behera kargatu'n.
Oharra: HTML mezuen kontrol-laukia desaktibatuz gero, ezingo da HTML mezurik bidali ez hautatutako berri-taldera ez eta honen barneko beste edozein taldetara ere. Adibidez, mcom.jellybeans berri-taldean HTML mezuak desaktibatzen badituzu ezingo duzu HTML mezurik bidali mcom.jellybeans.lime taldera ere.
Messenger-ek testu arruntera bihurtuko ditu HTML onartzen ez duten taldeetara bidaltzen diren HTML mezu guztiak.
Berri-talde jakin bateko mezuak behera kargatzeko aukerak ezartzeko:
- Hautatu berri-taldea eta ireki Berri-taldearen propietateen panela. Egin klik 'Behera kargatzeko ezarpenak' fitxan.
- Hautatu laukia, lineaz kanpoko modura aldatzen zarenean berri-talde hau behera kargatzeko.
- Garbitu 'Erabili hobespenetako ezarpen lehenetsiak' laukia, berri-talde horrek ezarpen horiek ez erabiltzea nahi baduzu. Hautatu zein mezu behera kargatu nahi dituzun hautatutako talde horretatik (irakurri gabeko mezuak edo egun-bitarte jakin baten barruan jaso direnak).
- Egin klik 'Behera kargatu orain'en, mezuak berehala behera kargatzeko ezarpen hauek erabiliz.
Messenger-ek 'Posta eta Berri-taldeen hobespenak' elkarrizketa-koadroko Berri-taldeen zerbitzarien hobespen-panelean lehenetsitako ezarpenak erabiltzen ditu.
Diskoaren erabilera maila erabilgarrian mantentzeko berri-taldeetako mezuak hartzean:
- Hautatu berri-taldea eta ireki Berri-taldeen propietateen panela. Egin klik 'Disko-lekua' fitxan.
- Aukeratu nola maneiatu nahi dituzun berri-taldeen mezuak karpetak garbitzean (trinkotzean):
- Gorde azken ___ egunetan iritsi diren mezuak: idatzi mezuak gordetzeko egun-kopurua.
- Gorde mezu guztiak.
- Gorde __ mezu berrienak: idatzi mezu-kopurua.
- Gorde irakurri gabeko mezuak soilik: irakurritako mezuak berehala ezabatuko dira.
- Egin klik 'Behera kargatu orain'en, ezarpen hauek erabiliz berri-taldeko mezuak behera kargatzeko.
- Egin klik 'Gehiago'n, 'Diskoan leku gehiago izateko aukerak' elkarrizketa-koadroa bistaratzeko. 'Kendu ___ egun baino gehiago dituzten mezu-testuak' koadroan, idatzi zenbat egunetan gorde behar diren mezu-testuak.
Mezu-testuak kentzean, mezu-zerrendaren leihoan azaltzen diren goiburukoak mantenduko dira. Mezua bera, hala ere, soilik berri-taldeen zerbitzariekin konektatzen zarenean eta mezua oraindik berri-taldeen zerbitzarian badago berreskuratu ahal izango duzu.
Hari berriak (eztabaidak) hasteko:
- Harpidetza-zerrendan, hautatu berri-talde bat.
- Egin klik 'Mezu berria'n.
- Prestatu mezua eta egin klik 'Bidali'n bidaltzeko.
Eztabaidako partaide gisa erantzun bat bidaltzeko:
- Mezuen zerrendan, hautatu zein mezuri erantzun nahi diozun, eta ziurtatu mezu horren edukia bistaratuta dagoela.
- Egin klik 'Erantzun'en eta aukeratu 'Berri-taldeari'. Taldeari erantzun eta, aldi berean, aparteko mezua helarazteko bidaltzaileari, egin klik 'Erantzun denei'n eta aukeratu 'Bidaltzaileari eta berri-taldeari'.
- Prestatu mezua eta egin klik 'Bidali'n bidaltzeko.
Norbanako bati erantzun baina taldeari erantzunik ez bidaltzeko:
- Mezuen zerrendan, hautatu zein mezuri erantzun nahi diozun eta ziurtatu mezu horren edukia bistaratuta dagoela.
- Egin klik 'Erantzun'en eta aukeratu 'Bidaltzaileari soilik'. Egileari eta jatorrizko mezuaren kopiak jaso dituzten guztiei erantzuteko, egin klik 'Erantzun denei'n.
- Prestatu mezua eta egin klik 'Bidali'n bidaltzeko.
Bidalketa bat beste berri-talde batera bideratzeko:
- Egin klik 'Erantzun'en eta hartzaile-motaren goitibeherako menuan aukeratu 'Jarraipena honi'. Hortik aurrerako erantzunak berri-talde berrira bidaliko dira.
Berri-taldeen zerbitzari bat gehitzeko edo bertako informazioa aldatzeko:
Berri-taldeen zerbitzari batekin asoziatutako propietateak ikusteko edo aldatzeko:
- Hautatu Berri-taldeen zerbitzaria.
- Edizioa menuan, aukeratu 'Berri-taldeen propietateak' edo 'Hartu informazioa' (Mac OSn).
- Ezarri ondorengo aukera hauek:
- Eskatu beti erabiltzaile-izena eta pasahitza: Messenger-ek erabiltzaile-izena eta pasahitza eskatuko dizkizu beste aparteko segurtasun-maila bat ezartzeko. Aukera hau ezarriz gero, Messenger-ek erabiltzaile-izena eta pasahitza galdetuko dizkizu zerbitzarian lehenengo aldiz sartzean.
- Eskatu erabiltzaile-izena eta pasahitza beharrezkoa denean bakarrik: zerbitzarian sartzeko log egitea beharrezkoa bada bakarrik eskatuko dizkizu datuok Messenger-ek (normalean zerbitzari-konexio segurua egiteko eskatzen da).
- Egin klik 'Ados'en.
Lineaz kanpo lan egiteko:
- Fitxategia menuan, aukeratu 'Lineaz kanpo' eta, ondoren, 'Lan egin lineaz kanpo'. Berriro linean sartzeko, ireki Fitxategia menua, aukeratu 'Lineaz kanpo' eta ondoren 'Lan egin linean'.
- Egin klik 'Linean/Lineaz kanpo' konexio-ikonoan, Communicator leihoaren ezker-behealdean.
Linean lan egiten duzunean bezain ondo lan egin dezakezu lineaz kanpo ere, zure disko lokaleko mezuak eta karpetak sarekoekin eguneratuta mantentzen badituzu.
Lineaz kanpo lan egin aurretik, Messenger-ek sinkronizatu egin ditzake zuk lokalki kopiatzeko hautatu dituzun karpetak, berri-taldeak eta direktorioak. Berriro sarearekin konektatzen zarenean, Messenger-ek automatikoki sinkronizatuko ditu lineaz kanpo zeundenean egindako aldaketa guztiak: IMAP edo POP mezuak gorde edo ezabatuko ditu, karpetak sortuko ditu eta mezuak bilatuko ditu (IMAP edo POP).
Irtetean, Messenger-ek gogoratuko dizu zure posta-karpetak, direktorioak eta berri-taldeak sinkronizatu egin behar dituzula (Windows-en bakarrik).
- Azkeneko sinkronizazioaz geroztik egindako aldaketak bakarrik behera kargatzen dira lokalki.
- Mezu luzeak zerbitzarian uztea aukera dezakezu, sinkronizazioa arintzeko.
- Lineaz kanpo zeunden bitartean prestatutako mezuak, berehala bidal daitezke berriro konektatzen zarenean.
- Zein karpeta sinkronizatuko diren hauta dezakezu, baldin eta horietan harpidetuta bazaude. Oharra: POP postaren erabiltzaileek berri-taldeetan harpidetuta egon behar dute edo direktorioak hautatuta izan behar dituzte, sinkronizazioa egin ahal izateko.
Zure karpetak lineaz kanpo lan egiteko sinkronizatzeko:
- Fitxategia menuan, hautatu 'Lineaz kanpo', eta ondoren aukeratu 'Sinkronizatu'.
'Sinkronizatu lineaz kanpoko elementuak' elkarrizketa-koadroa ikusiko duzu.
- Erabili elkarrizketa-koadroa:
- Posta, berri-taldeak edo direktorioak behera kargatu zehazteko.
- Berriro konektatzen zarenean, bidali gabeko mezu guztiak bidaltzeko.
- Sinkronizatu ondoren Communicator berehala lineaz kanpo jartzeko.
- Egin klik elkarrizketa-koadroko 'Hautatu elementuak'en, zein posta-karpeta, berri-talde eta direktorio sinkronizatu nahi dituzun hobeto zehazteko. Karpeta batek azpikarpetak baldin baditu, horiek ere hautatu egin beharko dituzu haien edukia behera kargatzeko
Oharra: Lehendik harpidetuta zauden berri-taldeak eta karpetak bakarrik ikusiko dituzu. Berri-talde edo karpeta batean harpidetza egiteko, hautatu berau 'Harpidetu berri-taldeetan' elkarrizketa-koadroa erabiliz. Behera kargatzeko direktorio bat hautatzeko, erabili Lineaz kanpoko ezarpenen panela, 'Direktorio-zerbitzaria' elkarrizketa-koadroan dagoena.
IMAP posta-erabiltzailea bazara, berehala behera karga ditzakezu posta eta berri-taldeetako mezu hautatu eta banderadunak. Ez badakizu IMAP ala POP erabiltzen duzun, egiaztatu zure ezarpenak Posta eta Berri-taldeen hobespenetako 'Posta-zerbitzariak' panelean.
Oharra: POP posta-erabiltzaileek berri-taldeetako mezuak eta direktorioetako elementuak bakarrik behera karga ditzakete, ez postako mezuak.
Hautatutako mezuak behera kargatzeko:
- Hautatu berri-talde edo posta-karpeta bat mezuen goiburukoak bistaratzeko.
- Hautatu behera kargatu nahi dituzun mezuak. Elkarren ondoan daudenen multzo bat hautatzeko, egin klik lehenengo mezuan, sakatu MAIUSKULA eta egin klik multzoko azkenekoan. Zerrendako edozein lekutan dauden mezuak hautatzeko, sakatuta eduki KONTROL tekla eta egin klik mezu bakoitzean.
- Fitxategia menuan, aukeratu 'Lineaz kanpo' eta 'Hartu hautatutako mezuak'.
Mezu banderadunak behera kargatzeko:
- Messenger leihoan, hautatu berri-talde edo posta-karpeta bat mezuen goiburukoak bistaratzeko.
- Egin klik behera kargatu nahi duzun mezu bakoitzeko banderaren zutabean. Bandera bat azalduko da markatuta dagoela adierazteko.
- Fitxategia menuan, aukeratu 'Lineaz kanpo', eta ondoren 'Hartu banderadun mezuak'.
Behera kargatzeko berri-talde, posta-karpeta eta direktorioak hautatzeko:
- Joan Behera kargatzeko hobespenen panelera..
- Egin klik 'Hautatu'n.
- Egin klik 'Behera kargatu' zutabean, lineaz kanpo landu nahi dituzun elementuen ondoan.
- Egin klik 'Ados'en. Berri-taldeetatik behera kargatuko diren mezuak mugatzeko, hautatu Berri-taldeetako mezuentzako aukerak.
Behera kargatutako elementu guztiak batera eguneratzeko:
- Fitxategia menuan, aukeratu 'Lineaz kanpo' eta 'Sinkronizatu'.
- Hautatu eguneratzeko (sinkronizatzeko) kategoriak. Egin klik 'Hautatu elementuak'en, eguneratu nahi dituzun karpetak edo direktorioak gehitzeko edo kentzeko. Lehendik harpidetuta dauzkazun berri-taldeak eta karpetak bakarrik ikusiko dituzu.
- Eguneratu ondoren berehala lineaz kanpo geratzeko, markatu 'Lan egin lineaz kanpo sinkronizatu ondoren'
- 'Bidali gabeak' karpetan dauzkazun mezuak bidaltzeko, hautatu 'Bidali bidali gabeko mezuak'.
- Egin klik 'Sinkronizatu'n. Messenger-ek ziurtatuko du zuk hautatutako elementuek eta zerbitzarian daudenek eduki bera dutela.
Oharra: POP posta-erabiltzailea bazara, berri-taldeetako mezuak eta direktorio-sarrerak bakarrik behera karga ditzakezu. IMAP posta-erabiltzailea bazara, hiru kategorietako sarrerak behera karga ditzakezu: posta, berri-taldeak eta direktorioak.
Behera kargatzeko ezarpenak berri-talde jakin batzuentzat aldatzeko:
- Hautatu berri-talde bat.
- Edizioa menuan, aukeratu Berri-taldearen propietateak ('Hartu informazioa' Mac OSn) eta egin klik 'Behera kargatzeko ezarpenak' fitxan.
Communicator-etik irten aurretik behera kargatutako elementu guztiak eguneratzea eskatzeko:
- Joan Lineaz kanpoko ezarpenak panelera.
- Hautatu 'Eskatu mezuak sinkronizatzea'. Irtetean, behera kargatzeko hautatutako elementuak eguneratu nahi dituzun galdetuko zaizu.
Elkarrizketa-koadro honetan zure posta-karpetak, harpidetutako berri-taldeak eta direktorioak bistaratuko dira. Behera kargatzeko elementu bat hartzeko, hauta ezazu elementuaren izenaren ezkerreko 'Behera kargatu' zutabean klik eginez.
Oharra: Lehendik harpidetuta dauzkazun berri-taldeak eta karpetak bakarrik ikusiko dituzu. Berri-talde edo karpeta batean harpidetzeko, hautatu eta ondoren aukeratu Harpidetu Fitxategia menuan.
Modem bidezko konexioa erabiltzen baduzu, agian nahiago izango duzu lineaz kanpo lan egin eta gero sarearekin konektatu behar duzunean bakarrik linean sartzea. Horrek murriztu egingo dizu lineako denbora eta kostua.
- Edizioa menuan, aukeratu 'Hobespenak' eta egin klik 'Lineaz kanpo' kategorian.
- Aukeratu Messenger-ek azkeneko aldiz programatik nola irten zinen gogoratzea nahi duzun, edo programa abiarazten duzun bakoitzean galdetzea nahi duzun.
- Aukeratu nola kudeatu nahi dituzun 'Bidali gabeak' karpetako mezuak.
- Hautatu 'Eskatu mezuak sinkronizatzea'. Irtetean, behera kargatzeko hautatutako elementuak eguneratu nahi dituzun galdetuko zaizu.
- Egin klik 'Ados'en.
(Windows eta Mac OS bakarrik) Berri-taldeetako mezuak behera kargatzeko aukerak ezartzeko:
- Edizioa menuan, aukeratu 'Hobespenak'. Egin klik 'Lineaz kanpo' kategorian eta hautatu 'Behera kargatu'.
- Hautatu hauetako bat:
- 'Behera kargatu irakurri gabeko mezuak soilik': oraindik irakurri ez dituzun mezuak behera kargatuko ditu.
- 'Behera kargatu dataren arabera': antzinatasunaren arabera behera kargatzen ditu mezuak. Erabili aukera-botoiak eta goitibeherako menuak denbora-epe bat zehazteko.
- Zein mezu behera kargatu behar diren zehazteko, egin klik 'Hautatu'n ('Behera kargatu elementuak' goitibeherako menua Mac OSn).
- Egin klik 'Ados'en, eta egin klik 'Ados'en berriro, Hobespenak ixteko.
Urriak 1, 1998
Copyright © 1994-1998 Netscape Communications Corporation.
Itzulpenaren copyright-a © 1999 Canal21 Servicios Interactivos S.A. Eskubide guztiak erreserbatuta.