Web orrialde berri bat hasteko, erabili ondoren azaltzen den metodoetako bat. Orrialdea hasi ondoren, testua gehitu eta editatzeko aukera izango duzu testu-prozesadore batean bezalaxe.
Orrialde huts batetik hasteko:
Txantiloi batetik hasteko:
Netscape-ren Orrialde-morroitik hasteko:
Garrantzizkoa: Netscape Txantiloien web gunean eta Netscape-ren Orrialde-morroian sartzeko, Interneten konektatuta egon behar duzu.
Unean arakatzen ari zaren orrialdetik (edo markotik) hasteko:
Lehendik Composer-ekin sortu den orrialde batetik hasteko:
Idatzi erabili nahi duzun fitxategiaren bide-izena eta izena, edo egin klik 'Fitxategia'n fitxategia aurkitzeko.
Erabili 'Ortografia' elkarrizketa-koadroa ortografi akatsak zuzentzeko eta uneko hiztegian hitzak gehitu edo editatzeko. Bukatutakoan, egin klik 'Gelditu'n.
'Hitza' eremuak ortografi akatsa duen hitza bistaratzen du. Egin klik 'Iradokizunak' zerrendako hitz batean edo idatzi zuzenketa, eta ondoren egin klik 'Ordeztu' edo 'Ordeztu denak'en.
Egin klik hemen, 'Hitza' eremuan idatzitzako edozein hitzen ortografia egiaztatzeko.
Beste ortografi hiztegi bat erabili nahi bada, egin klik goitibeherako menu honetan eta aukeratu zerrendan.
Egin klik hemen, hitza (edo hitz horren agerpen guztiak) aldatu gabe egiaztatzen jarraitzeko.
Egin klik hemen, hitza hiztegian gehitzeko. Hitz bat baino gehiago badaude 'Hitza' eremuan, guztiak sartuko dira hiztegian.
Elkarrizketa-koadro bat bistaratzen du hiztegian hitzak gehitu, ordeztu edo kentzeko.
Erabili hiztegia editatzeko elkarrizketa-koadroa hitzak gehitu, ordeztu edo kentzeko.
Idatzi hiztegian gehitu nahi duzun hitza eta egin klik 'Gehitu'n.
Hautatu hitz bat, eta ondoren:
Orrialdea gordetzeko:
Oharra: Orrialdearekin batera estekak eta irudiak ere gordetzeko, erabili Argitaratzeko hobespenen elkarrizketa-koadroa.
Zure orrialdea Navigator leiho batean (arakatzailean) ikusteko:
1-6 izenburua: Aukeratu "1" izenburu nagusirako, "2" hurrengo mailarako, etab.
Helbidea: Formatu honek web orrialdearen "sinadura" egiteko balio du, orrialdearen egilea eta informazio gehiago eskatzeko kontaktuaren izena adierazteko, adibidez:
Mikel Arriola@canal21.com
Nahi izanez gero, sar daitezke data eta copyright-a ere. Formatu hori normalean web orrialdearen behealdean azaltzen da marra horizontal baten azpian.
Formateatua: Hau erabiltzen da zabalera finkoko letra-tipoan bistaratu nahi dituzun kode-adibide, taula eta posta-mezuetan, adibidez:
alert ("Kaixo!")
Arakatzaile gehienek testutik kendu egiten dituzte soberan dauden zuriune, tabulazio eta paragrafo-itzulerak. Hala ere, 'Formateatua' estiloa erabiltzen duen testua zuriunerik kendu gabe bistaratzen da.
Zerrendako elementua: Hautatu aukera hau eta 'Estilo gehigarria'n dagoen 'Zerrenda', zerrenda bat sortzeko.
Azalpen-testua eta Azalpen-titulua: Erabili bi formatu hauek glosario eta antzeko zerrendetarako, adibide honetan bezala:
Arakatzailea
Fitxategi, karpeta edo web orrialde baten edukia ikusten lagunduko dizun programa.
Egin klik hemen, hautatuta daukazun paragrafo-estiloarentzako atributu gehigarriak bistaratzeko.
Bloke-aipamena: Hautatu aukera hau testua koskatzeko.
Zerrenda: Hautatu aukera hau eta 'Paragrafo-estiloa'n dagoen 'Zerrendako elementua', zerrenda bat sortzeko.
'Estilo gehigarria'n 'Zerrenda' hautatu baduzu, aukeratu zein zerrenda-mota nahi duzun.
Buletdun zerrenda (zenbaki gabea): Elementuek buleta edo beste ikurren bat izango dute aurretik.
Zenbakidun zerrenda: Elementuek zenbakiak edo letrak izango dituzte aurretik.
Direktorio-zerrenda: Elementu laburrak horizontalki azaltzen dira zutabeetan, DOS direktorio-zerrendetan bezala.
Menu-zerrenda: Elementu laburrak bulet edo zenbakirik gabe azalduko dira.
Azalpen-zerrenda: Batzuetan Definizio- edo Glosario-zerrenda ere deitzen zaio. Elementuak koskatuta ikusten dira.
Oharra: Navigator-ek ezin ditu bistaratu Direktorio-zerrenda eta Menu-zerrenda estiloak (estilo horiek testu normal bezala bistaratzen ditu), baina beste arakatzaile batzuek bai.
(Buletdun eta zenbakidun zerrendentzat) Hautatu zenbaki-estiloa edo zehaztu bulet-mota.
(Zenbakidun zerrendentzat) Idatzi zerrendako lehenengo zenbakia.
Zehaztu non lerrokatu behar den hautatutako paragrafoa, orrialdearen ezkerrean, eskuinean edo erdian.
Egin klik nahi duzun letra-tipoa hautatzeko. Orrialdeak irakurle batek zehaztutako letra-tipoak erabili ditzan, hautatu 'Zabalera aldakorra' edo 'Zabalera finkoa'.
Egin klik zehaztutako letra-tipoaren tamaina hautatzeko.
Letra-tamainen zerrendan azalduko da puntu-tamainen menua (8, 9, 10, 12, 14 eta abar), HTML letra-tamaina erlatiboko eskala (-2tik +4ra), edo biak. Zein menu-mota nahi duzun zehazteko, erabili Composer hobespenen elkarrizketa-koadroko Panel Orokorra(Windows-en bakarrik).
Egin klik 'Erabili kolorea'n, eta egin klik kolore-botoian, hautatutako karaktereei ezarriko zaien kolorea aukeratzeko. Kolore-botoia, 'Erabili kolorea' botoiaren eskuineko errektangelua da. Uneko testu-kolorea beltza bada, kolore-botoia ere beltza izango da.
Egin klik 'Ez aldatu'n, hautatutako testuak kolore bat baino gehiago baditu.
Oharra: Lehenetsitako testu-kolorea zehazteko, erabili 'Orrialdearen koloreak eta propietateak' ('Orrialdearen propietateak' Mac OSn) elkarrizketa-koadroko 'Koloreak eta atzeko planoa' panela
Egin klik 'Kolorea' saileko kolore-botoian, koloreei buruzko elkarrizketa-koadroa bistaratzeko. Ondoren egin klik 'Besterik'en. Kolore pertsonalizatua hautatzeko aukera ematen duen elkarrizketa-koadro bat azalduko zaizu.
Hautatuta dauzkazun karaktereen estiloa hautatzeko, adibidez lodia, etzana, azpimarratua edo zatiezina.
Egin klik hemen, estiloen kontrol-lauki guztiak desautatu edo garbitzeko.
Egin klik hemen, elkarrizketa-koadro honetan hautatutako ezarpen guztiak desautatu edo garbitzeko.
Ezarpenen aurrebista ikusteko, egin klik 'Aplikatu'n. Ondoren egin klik 'Itxi'n aldaketak onartzeko. Aldaketak aurrebista ikusi gabe onartzeko, egin klik 'Ados'en.
HTML ongi ezagutzen baduzu, Composer-en Formatua menuan erabilgarri ez dauden HTML inprimaki-etiketak, JavaScript eta plug-in kodeak txerta ditzakezu. Composer-ek objektu hauek bistaratzen ez dituen arren, HTML etiketa-ikono bereziak txertatzen ditu non dauden jakinarazteko.
HTML etiketak txertatzeko:
Composer-ek egiaztatuko du ixteko eta irekitzeko bi markak
Adibidea:
<applet code="HelloWorld.class" width=100 height=30>
<param name=text value="Hello World!">
</applet>
Adibide honetan, elkarrizketa-koadroan lehen lerroa idatzi eta 'Ados'en klik egin beharko zenuke. Ondoren, 'HTML etiketa' elkarrizketa-koadroa berriro ireki, bigarren lerroa idatzi eta 'Ados'en egin klik. Prozedura hori errepikatu beharko zenuke orrialdeari gehitu nahi diozun etiketa bakoitzeko.
Etiketa bat editatzeko:
'HTML estra' elkarrizketa-koadroak 'HTML etiketa' elkarrizketa-koadroak bezalaxe funtzionatzen du (ikus goian). Taulak eta estekak sortzerakoan, 'HTML estra' elkarrizketa-koadroa erabil dezakezu HTML atributu edo JavaScript gehigarriak sartzeko lantzen ari zaren etiketarentzat.
Gehitzeko:
Ezabatzeko:
Hainbat elementu aldatzeko aukera duzu: taularen epigrafea edo ertza, edo taularen edo taula-zati baten zabalera, altuera, lerrokapena, kolorea edo atzeko planoa.
'Taularen propietateak' elkarrizketa-koadroan aukeratzen dituzun ezarpenek anulatu egingo dituzte taula sortzean aukeratu zenituen ezarpenak.
Erabili 'Taula berriaren propietateak' eta 'Taularen propietateak' elkarrizketa-koadroak taula baten ezaugarriak ezarri edo aldatzeko. Jarraian, aukera guztiak esplikatuko dira.
Taula berriak sortzeko, erabili 'Taula berriaren propietateak' elkarrizketa-koadroa:
Lehendik dagoen taula bat aldatzeko, erabili 'Taularen propietateak' elkarrizketa-koadroa:
Idatzi zenbat errenkada edo zutabe nahi dituzun. Aukera hau, taula berri bat sortzen ari zarenean bakarrik egongo da erabilgarri. Beste aukera bat da lehendik dagoen taula batean errenkada eta zutabeak gehitzea.
Taula dokumentuan lerrokatzen du.
Errenkada edo zutabe barneko testua lerrokatzen du. Besterik adierazi ezean, taula sortu zenean zegoen bezala uzten da lerrokapena.
Epigrafearentzako lekua sartzen du, taularen gainean edo azpian.
Idatzi zenbaki bat gelaxken inguruko ertz-marraren tamaina zehazteko, pixeletan. Ertzik ez jartzeko, sartu 0. Oharra: Composer-ek puntuzko marra bezala bistaratzen du zero (0) ertza; ez da ertzik azaltzen orrialdea arakatzailearekin ikusten denean.
Idatzi zenbaki bat gelaxken arteko tartea zehazteko, pixeletan.
Idatzi zenbaki bat gelaxka bakoitzaren barruko tartea zehazteko, pixeletan. Horrela, gelaxka bakoitzaren marjinak ezartzen dira.
Idatzi zenbaki bat taula-zabalera zehazteko. Aukeratu 'Leihoaren %' edo 'pixel'. Zabalera ehunekotan adierazten bada, taula-zabalera aldatu egingo da leiho-zabalera aldatzen den bakoitzean.
Idatzi zenbaki bat taularen gutxieneko altuera zehazteko. Hori izango da taulak izan dezakeen altuerarik txikiena. Testu gehiago sartzen bada taulan, tamaina aldatu egingo da testuari egokitzeko. Aukeratu 'Leihoaren %' edo 'pixel'. Altuera ehunekotan adierazten bada, taularen altuera aldatu egingo da leiho-altuera aldatzen den bakoitzean.
Oharra: Taula bat beste taula baten barruan txertatzen baduzu, taula habiratuaren gutxieneko altuera eta zabalera gelaxka gurasoaren ehunekoak izan daitezke.
Gelaxka guztiak zabalera berdinekoak egiten ditu. Garbitu aukera hau, gelaxka bakoitzaren tamaina banaka ezarri nahi baduzu.
Idatzi zenbaki bat gelaxkaren zabalera zehazteko. Aukeratu 'taularen %' edo 'pixel'. Zabalera ehunekotan adierazten bada, gelaxka-zabalera aldatu egingo da taularen zabalera aldatzen den bakoitzean.
Idatzi zenbaki bat gelaxkaren gutxieneko altuera zehazteko. Hori izango da gelaxkak izan dezakeen altuerarik txikiena. Testu gehiago sartzen bada gelaxkan, tamaina aldatu egingo da testuari egokitzeko. Aukeratu 'taularen %' edo 'pixel'. Altuera ehunekotan adierazten bada, gelaxkaren altuera aldatu egingo da taula-altuera aldatzen den bakoitzean.
Oharra: Gelaxka baten barruan dagoen taula bat aldatzen baduzu, taula habiratuaren gutxieneko zabalera eta altuera gelaxka gurasoaren ehunekoak izan daitezke.
Idatzi zenbakiak errenkaden eta zutabeen koadroetan, hautatutako gelaxka zutabe edo errenkada batera baino gehiagotara hedatzea nahi duzun zehazteko.
Testua gelaxkaren erdian lerrokatzen du eta estiloa lodian jartzen du.
Testua hurrengo lerrora itzulbiratzea eragozten du. Paragrafo-jauzia txertatzen bada bakarrik itzulbiratuko da testua hurrengo lerrora.
Taula, errenkada edo gelaxkaren atzeko planoko kolore bat aukeratzen du. Egin klik 'Besterik'en kolore-paletaren azpian, kolore pertsonalizatua definitzeko.
Taula, errenkada edo gelaxkaren atzeko plano gisa irudi bat erabiltzeko aukera ematen du. Idatzi erabili nahi duzun irudiaren kokalekua eta fitxategi-izena. Egin klik 'Aukeratu irudia'n, disko gogorreko edo sareko irudi bat aurkitzeko.
Atzeko planoko irudia erabiltzen baduzu, Composer-ek irudiaren kopia bat egiten du eta zure orrialdea dagoen direktorio (karpeta) berean jartzen du. Kopiarik egin nahi ez baduzu, egin klik aukera horretan.
Elkarrizketa-koadro bat bistaratzen du, HTML eta JavaScript erabiltzen ohituta daudenei taula gehiago definitzen duten etiketak gehitzeko aukera emanez.
Ezarpenen aurrebista ikusteko, egin klik 'Aplikatu'n; eta ondoren egin klik 'Itxi'n aldaketak onartzeko. Aldaketak aurrebistarik gabe onartzeko, egin klik 'Ados'en.
GIF eta JPEG irudiak txerta ditzakezu zure web orrialdean.
Iradokizunak:
Oharra: Irudi bat arbeletik itsatsiz edo arrastatuz eta jareginez txertatzen denean, web orrialdea dagoen direktorio (karpeta) berean jar daiteke irudiaren fitxategia, edota irudi-fitxategi hori dagoen lekuan utzi bestela, disko gogorrean edo sarean. Composer-en hobespenetan zehaztutako ezarpenek erabakiko dute zein metodo erabiliko duzun.
Erabili elkarrizketa-koadro hau irudi berri bat txertatzeko edo lehendik dagoen irudi baten aukerak aldatzeko, hala nola, testuaren itzulbiratzea, altuera eta zabalera eta tarteak.
Idatzi txertatu edo aldatu nahi duzun irudi-fitxategiaren izena edo kokalekua. Egin klik 'Aukeratu fitxategia'n disko gogorrean edo sarean irudi-fitxategi bat bilatzeko.
Egin klik botoi honetan irudia editatzeko Composer-en hobespenen elkarrizketa-koadroan zehaztutako kanpoko editorearekin. Ez baduzu irudi-editorerik zehaztuta, hori egiteko eskatuko zaizu.
Normalean Composer-ek irudiaren kopia egin eta zure orrialdearen direktorio (karpeta) berean jartzen du. Kopiarik egitea nahi ez baduzu, egin klik aukera honetan.
Garrantzizkoa: Irudi-fitxategi bat zehaztutako kokalekutik kentzen baduzu, ez zaizu gehiago azalduko zure web orrialdean.
Egin klik hemen irudia orrialde osoaren atzeko plano gisa erabiltzeko.
Windows-en: Egin klik botoietako batean, testua irudiaren ondoan nola ezarri nahi duzun adierazteko.
Mac OSn: 'Testu itzulbiratua ikusteko' hitzaren ondoko goitibeherako menuan, aukeratu nola ezarri nahi duzun testua irudiaren ondoan.
Egindako lerrokapen-aldaketak ikusteko, ikusi zure orrialdea arakatzaile baten leihoan. Composer leihoak ez du erakusten arakatzailearen erabiltzaileak zer ikusiko duen.
Zehaztu irudiaren altuera eta zabalera, pixeletan.
Egin klik hemen, dokumentuaren barruan lekuz aldatzen denean irudiaren tamaina-ezarpenik ez aldatzeko.
Egin klik hemen, neurrietan egindako aldaketak desegiteko.
Zehaztu zenbat tarte utzi nahi duzun irudiaren ezkerrean, eskuinean, goian eta behean. Ertz beltz solido bat ere jar dezakezu irudiaren inguruan eta horren zabalera zehaztu pixeletan. Zehaztu 0 ertzik ez egiteko.
Egin klik hemen, iruditik esteka-eskualde guztiak kentzeko. Irudi-mapa, irudi beraren kokaleku desberdinetarako estekak dituen irudi-mota da. Botoi hau lausotuta azalduko da irudiak estekarik ez baldin badauka.
Windows-en: Egin klik 'Ord. Test./ Ber.Tx.' botoian Ordezko irudi-propietateak elkarrizketa-koadroa bistaratzeko. Bertan, zehaztu zer bistaratu nahi duzun jatorrizko irudiaren ordez, testua edo bereizmen txikiko irudia.
Mac OSn: 'Irudia' eremuan idatzi bereizmen txikiko irudi baten izena irudi nagusia kargatzen ari den bitartean bistaratzeko. Egin klik 'Aukeratu fitxategia'n fitxategiaren kokalekua bilatzeko. 'Ordezko testua' eremuan, idatzi irudiaren ordez bistaratzeko testu bat, adibidez, epigrafea edo irudiaren azalpen laburra.
Ohitura ona da ordezko testuak zehaztea testu soileko web arakatzaileak erabiltzen dituzten edo grafikoak desaktibatuta dituzten irakurleentzat. Bestela, irakurleak irudien leku-markak ikusiko ditu. Era berean, ordezko testua edo bereizmen txikiko irudi bat zehatz daiteke, irakurlea bereizmen handiko irudiak kargatu zain dagoen bitartean azkar ager daitezen.
Elkarrizketa-koadro bat bistaratzen du, HTML eta JavaScript erabiltzen ohituta daudenei irudia manipulatzeko etiketak idazteko aukera emanez.
Ezarpenen aurrebista ikusteko, egin klik 'Aplikatu'n. Aldaketak onartzeko, egin klik 'Ados'en.
Erabili elkarrizketa-koadro hau irudi baten ordezko testua gehitzeko eta haren ordez erabiliko den bereizmen txikiko irudi bat zehazteko.
Idatzi irudiaren ordez bistaratzeko mezu bat, adibidez epigrafea edo irudiaren azalpen laburra.
Ohitura ona da ordezko testuak zehaztea testu soileko web arakatzaileak erabiltzen dituzten edo grafikoak desaktibatuta dituzten irakurleentzat. Bestela, irakurleak irudien leku-markak ikusiko ditu. Era berean, ordezko testua edo bereizmen txikiko irudi bat zehatz daiteke, irakurlea bereizmen handiko irudiak kargatu zain dagoen bitartean azkar ager daitezen.
Idatzi bereizmen txikiko irudi baten izena, irudi nagusia kargatzen ari den bitartean bistaratzeko. Egin klik 'Aukeratu fitxategia'n, fitxategiaren kokalekua bilatzeko.
Egin klik hemen, irudia editatzeko Composer-en hobespenen elkarrizketa-koadroan zehaztutako kanpoko editorearekin. Ez baduzu irudi-editorerik zehaztuta, hori egiteko eskatuko zaizu.
Erabili elkarrizketa-koadro hau bit-mapa moduko grafiko-fitxategia inportatu behar duzunean zure orrialdera. Composer-ek JPEG formatura bihurtzen du fitxategia, eta pixel-bistaratzearen kalitatea hautatzeko aukera ematen dizu (handia, tartekoa edo txikia).
'Orrialdearen propietateak' elkarrizketa-koadroan zehaztutako informazioak zure dokumentua Web-ean kokatzen lagunduko die irakurleei.
Uneko dokumentuak zure ordenadorearen diskoan duen kokalekua erakusten du. Ezin duzu eremu hau aldatu.
Idatzi orrialdea arakatzaile bidez ikusten denean leihoaren tituluan azaltzea nahi duzun testua. Web-eko bilaketa-tresna gehienek honela aurkitzen dituzte web orrialdeak, horregatik komeni da orrialdearen gaiari ondo doakion titulu bat aukeratzea.
Idatzi dokumentua sortu duen pertsonaren izena. Informazio hori oso lagungarria da zure dokumentua web bilaketa-tresnn bidez aurkitzen duen irakurlearentzat.
Idatzi dokumentuaren edukiaren azalpen laburra.
Hemen idatzitako gako-hitzei esker, bilaketa-zerbitzuek errazago eramango dute erabiltzailea Web-eko zure dokumenturaino. Idatzi zure ustez dokumentuari ondoen doakion kategoria-izena (katalogo-zerbitzari batetik lortutakoa). Sailkapen-izenak izaten dira bilaketa-zerbitzuek dokumentuak aurkitzeko erabiltzen dituzten beste metodoetako bat.
Ezarpenen aurrebista ikusteko, egin klik 'Aplikatu'n. Ondoren egin klik 'Itxi'n aldaketak onartzeko. Aldaketak aurrebista ikusi gabe onartzeko, egin klik 'Ados'en.
'Orrialdearen propietateak' elkarrizketa-koadroaren 'Koloreak eta atzeko planoa' fitxaren bidez, orrialdearen atzeko planoko kolorea edo irudia aukeratuko dituzu, baita esteken kolorea ere.
Erabiltzailearen kolore-hobespenak (hobespenen panel orokorrean zehaztutakoak) erabiliko dira.
Testu, esteka eta atzeko planoaren koloreak zehazteko aukera eskaintzen dizu. Egin klik botoietan, kolore-paleta bistaratzeko, eta hautatu nahi duzun kolorea.
Zerrendako eskema bat hautatzeko aukera eskaintzen dizu.
Egin klik hemen, irudi bat erabiltzeko orrialdearen atzeko plano gisa. Idatzi irudi-fitxategi baten izena. Ziur ez badakizkizu fitxategiaren izena edo kokalekua, egin klik 'Aukeratu fitxategia'n, irudi-fitxategia disko gogorrean edo sarean bilatzeko.
Atzeko planoko irudiak mosaikoan azalduko dira eta atzeko kolorea estaliko dute.
Normalean Composer-ek irudiaren kopia bat egiten du eta zure orrialdearen direktorio (karpeta) berean jartzen du. Kopia egiterik nahi ez baduzu, egin klik aukera honetan.
Egin klik aukera honetan, ezarpen horiek zuk sortutako web orrialde berri guztietan aplikatzea nahi baduzu.
Zure ezarpenen aurrebista ikusteko, egin klik 'Aplikatu'n. Aldaketak onartzeko, egin klik 'Ados'en.
'Meta etiketak' elkarrizketa-koadroan, Internet zerbitzu-hornitzaileak zure dokumentuan sartu nahi duen aukerako informazioa bistaratzen da. Informazio hori ez da benetan dokumentuan azalduko editatzen edo arakatzen denean --soilik HTML iturburuan agertuko da. Informazio gehiago nahi baduzu, galdetu hornitzaileari.
Orrialde barnean estekatzeko, sortu helburu bat orrialdean bertan, eta ondoren sortu helburua seinalatzen duen esteka bat.
Oharra: Aingurak ere esaten zaie helburuei.
Etxeko ordenadoreko edo laneko sareko orrialde lokaletarako estekak sor ditzakezu, baita Interneteko urruneko orrialdeetarakoak ere.
Berehala sor daiteke esteka bat beste leiho batetik arrastatu eta jareginez (Mac OS eta Windows-en bakarrik). Adibidez, esteka bat hautatu web orrialde, lastermarka edo posta eta berrien leiho batean eta zure orrialdera arrastatu eta bertan jaregin dezakezu.
'Estekaren propietateak' elkarrizketa-koadrotik ere sor daitezke estekak:
Erabili elkarrizketa-koadro hau esteka berri bat txertatzeko edo lehendik dagoen bat aldatzeko.
Idatzi beste orrialde edo helburu batekin estekatu nahi duzun testua. Lehendik irudi bat edo testu bat hautatuta baldin badago, hemen ikusiko da.
Idatzi estekatzeko erabili nahi duzun helburu-orrialdearen horretako bide-izen eta fitxategi-izen lokala edo urruneko URLa. Datu hauek ziur ez badakizkizu, egin klik 'Arakatu'n disko gogorrean edo sarean bilatzeko.
Egin klik 'Uneko orrialdekoak'en, unean editatzen ari zaren orrialdeko helburu izendunak ikusteko. Egin klik 'Hautatutako fitxategikoak'en, 'Estekatu orrialde-helbide edo fitxategi lokal bati' sailean, zehaztutako fitxategiko helburu izendunak ikusteko.
Hemen zerrendatuta ikusten dituzun helburuak, 'Erakutsi helburuak' sailean aukeratu duzunaren araberakoak izango dira. Helburuak (aingurak ere deitzen direnak) orrialde bateko kokaleku espezifikoak dira. (Helburuak sortu ditzakezu)
Helburu batekin estekatu nahi baduzu, hautatu bat zerrendan.
Egin klik hemen, hautatutako testu estekatuari esteka kentzeko. Uneko hautapenak esteka bat baino gehiago baditu, alertako koadro bat azalduko zaizu esteka guztiak kendu nahi dituzun galdetuz.
Elkarrizketa-koadro bat bistaratzen du, HTML eta JavaScript erabiltzen ohituta daudenei taula gehiago definitzen dituzten etiketak gehitzeko aukera emanez.
Ezarpenen aurrebista ikusteko, egin klik 'Aplikatu'n. Aldaketak onartzeko, egin klik 'Ados'en.
Irudiak orrialdeetan esteka gisa funtzionatzea ezar dezakezu. Erabiltzaileak irudi estekatu batean klik egiten duenean, arakatzailearen leihoak irudi horrekin estekatua dagoen orrialdea bistaratuko du.
Iradokizuna: Estekatutako irudi bat arrastatzen denean Navigator-en leihotik Composer-en leiho batera, irudia eta esteka, biak, kopiatzen dira.
Erabili 'Argitaratu fitxategiak' elkarrizketa-koadroa, zure orrialdeak Web-ean argitaratzeko. Elkarrizketa-koadro hori ikusteko, ireki Fitxategia menua eta aukeratu 'Argitaratu'.
Lehendik orrialde bat sortuta badaukazu, eremu hau beteta azalduko da. Bestela, idatzi orrialdea arakatzaile baten bidez ikusten denean leihoaren tituluan azalduko den testua. Irakurleek zure orrialdea erraz aurkituko dutela ziurtatzeko, idatzi orrialdearen gaiari ondo doakion titulu erabilgarri bat.
Lehendik orrialde bat sortuta eta gordeta daukazunean, eremu hau beteta azalduko da. Bestela, idatzi fitxategi-izen bat argitaratu nahi duzun orrialdearentzat. Fitxategi-izenak .htm edo .html luzapena izan behar du.
Idatzi zure web orrialdea argitaratu nahi duzun urruneko gunearen helbidea. Baliteke Internet zerbitzu-hornitzailearen laguntza behar izatea hemen zer idatzi behar den jakiteko.
Adibidez, zure zerbitzu-hornitzailea America Online bada, koadro honetako URLak honen antzeko itxura izango du: ftp://ftp.aol.com/docs/. Edo, web zerbitzariaren protokoloa erabiltzen bada, beste honen antzeko zerbait ikusiko duzu: http://commercialweb.com/docs/.
Composer-ek hemen idazten dituzun helbideen bidea gordetzen du, gerora zure urruneko helbideak zerrenda batetik hautatzeko aukera izan dezazun. Egin klik 'Erabili helbide lehenetsia'n, Composer-en hobespenen elkarrizketa-koadroko 'Argitaratzea' panelean zehaztutako helbidea erabiltzeko.
Idatzi zure orrialdeak dauden sarean sartzeko erabiltzen duzun izena.
Idatzi zure erabiltzaile-izenaren pasahitza.
Egin klik hemen, zure pasahitza gordetzeko; horrela, ez duzu web orrialdeak argitaratzen dituzun bakoitzean idatzi behar izango.
Egin klik hemen, uneko dokumentuan erreferentzia egiten zaien dokumentu guztiak bistaratzeko. Ondoren, hautatu dokumentuarekin batera argitaratu nahi dituzun fitxategiak. Egin klik 'Ez hautatu ezer' edo 'Hautatu dena' aukeretan, zerrendako fitxategiak berehala hautatu eta desautatzeko.
Egin klik hemen, uneko orrialdearen direktorioko fitxategi guztiak bistaratzeko. Ondoren, hautatu orrialdearekin batera argitaratu nahi dituzun fitxategiak. Egin klik 'Ez hautatu ezer' edo 'Hautatu dena' aukeretan, zerrendako fitxategiak berehala hautatu eta desautatzeko.
Abisua: Argitaratzen ari zaren urruneko zerbitzariko fitxategi batek eta gora kargatzen ari zarenak fitxategi-izen bera badute, orain gora kargatu duzun azken fitxategi horrek ordeztu egingo du lehendik zegoena. Ez dizu galdetuko ekintza hori berretsi nahi duzun ala ez.
Composer-en funtzio berriak gehitu nahi izanez gero, Netscape-k eskaintzen dituen plugin berriak behera karga daitezke.
http://home.netscape.com/plugins/
Plugin berria Composer leihoaren Tresnak menuan azalduko da.
Composer-en hobespenen elkarrizketa-koadroa ikusteko, ireki Edizioa menua eta aukeratu 'Hobespenak'; egin klik 'Composer' kategorian.
Idatzi zure orrialdeen egilearen izena. Informazio hori oso lagungarria da zure dokumentua web bilaketa-tresnen bidez aurkitzen duten irakurlearentzat.
Egin klik hemen, Composer-ek dokumentua automatikoki gorde dezan, eta ondoren zehaztu maiztasuna (minututan).
Idatzi zuk hautatutako testu- eta irudi-editoreen bide-izena eta fitxategi-izena. Adibidez, Ohar-bloka erabili nahi baduzu uneko HTML iturburua editatzeko, idatzi C:\WINDOWS\NOTEPAD.EXE. Gero, HTML iturburua aukeratzen duzunean Edizioa menuan, Ohar-bloka abiaraziko da uneko dokumentua bistaratuz. Fitxategi-izena ziur ez badakizu, egin klik 'Aukeratu'n, aplikazioa bilatzeko.
Oharra: HTML iturburua kanpoko editore batekin editatzean, hasteko, gorde editorean egindako aldaketak eta gero aukeratu Ikusi menuko 'Berritu', aldaketa horiek Composer-en ikusteko.
Idatzi txantiloiaren helbidea, edo egin klik 'Aukeratu fitxategi lokala'n txantiloi bezala erabili nahi duzun fitxategiaren izena arakatzeko.
Hautatu nola bistaratuko dituen Composer-ek letra-tamainak:
Argitaratze-hobespenen elkarrizketa-koadroa ikusteko, ireki Edizioa menua eta aukeratu 'Hobespenak'. Beharrezkoa bada, egin klik Composer kategoriaren ondoan dagoen plus zeinuan (edo triangeluan). Hautatu 'Argitaratzea'.
Egin klik hemen estekak erlatibo egiteko. Esteka erlatiboak (bide-izen partzialak dituztenak) errazago mantentzen dira eta esteka hautsi gutxiagoetara eramaten dute esteka absolutuek (bide-izen osoak dituztenek) baino.
Irudiak orrialdeetan azaltzen diren arren, irudiak aparteko fitxategietan gordetzen dira. Hautatu aukera hau irudi-fitxategi bakoitzaren kopia bat gordetzeko orrialdearen helbide berean. Aukera hau desautatuz gero, HTML orrialdea bakarrik gordeko da, ez irudi-fitxategiak.
Netscape-k gomendatzen du aukera hau hautatuta uztea.
FTP: Idatzi zure web orrialdeak gora kargatu nahi dituzun gunearen helbide lehenetsia File Transfer Protocol-ekin. Baliteke Internet zerbitzu-hornitzailearen laguntza behar izatea hemen zer idatzi behar den jakiteko. Adibidez, zure zerbitzu-hornitzailea America Online bada, koadro honetako URLak honen atzeko itxura izango du: ftp://ftp.aol.com/docs/.
HTTP: Idatzi zure web orrialdeak gora kargatu nahi dituzun gunearen helbide lehenetsia web zerbitzariaren protokoloa erabiliz. Zeure web zerbitzaria ez baduzu, baliteke Internet zerbitzu-hornitzailearen laguntza behar izatea hemen zer idatzi behar den jakiteko. Adibidez, koadro honetako URLak honen atzeko itxura izan dezake: http://websurf.com/docs/.
FTP gune batera argitaratzen ari bazara, idatzi HTTP helbidea hura bilatzeko. Idatzi zure web orrialde argitaratuen helbide lehenetsia. Adibidez, zure web orrialdeak http://aol.com/docs/ helbidera argitaratzen badituzu, URL hori idatzi beharko duzu koadroan.